Uso actual dos Smartphones (Infografía)

Neste artigo amósase a través de dúas infografías o impacto actual que o uso dos teléfonos intelixentes ou smartphones ten a nivel mundial no que respecta a hábitos e uso de Internet e na segunda o impacto dos mesmos en países en vías de desenvolvemento fundamentalmente como forma de superar a fenda dixital entre países a nivel mundial.

Infografía

A infografía amosa a elevada presenza de teléfonos intelixentes en todo o mundo, tendo en conta que se trata de dispositivos de moi recente aparición. Por outro lado, destaca como xa indicamos noutros artigos a preponderación dos sistemas operativos móbiles Android e iOS, nesa orde, sumando entre os dous o 82% de todos os dispositivos. Tamén destaca o uso de Internet que se está facendo a través dos mesmos, sobre todo para acceder a buscadores, redes sociais e comercio electrónico. Ademais actualmente a navegación móbil supera xa a navegación en equipos de escritorio. Evidentemente trátase dun impacto altístimo, sobre todo considerando que a auxe destes dispositivos é moi recente. Dende o noso punto de vista, quizais a maior discrepancia coa información da infografía sexa á hora de valoralos como dispositivos onde é difícil a aprendizaxe, pois sobre todo no referente ao uso de tablets estanse conseguindo bos resultados ao respecto, nas metodoloxías englobadas no mLearning. (Como por exemplo este estudo de Relpe ou o Proxecto mLearning da EOI)

Infografía

Outro punto a destacar, é o do impacto que están tendo os smartphones nos países con menor presenza de novas tecnoloxías e acceso a Internet, onde grazas ao uso destes teléfonos o número de persoas con acceso a Internet multiplicouse por dous en 5 anos. Estes dispositivos poden por tanto axudar a reducir a fenda dixital entre países, permitindo a cada vez máis persoas acceder a Internet.