Galego
Español
Na seguinte infografía amósanse 7 suxestións rápidas para profesores e profesoras que poden resultar de utilidade para mellorar a aprendizaxe na clase. Son receitas sinxelas que poden dar moito xogo na aula.
Modo texto
Transcrición da infografía:
- Empregar o método 10:2. Por cada 10 minutos de clase, permitir que os estudantes procesen a información e participen na clase durante polo menos 2 minutos.
- Dar tempo para pensar. Agardar e dar aos estudantes 5-10 segundos de tempo para pensar despois de facerlles unha pregunta.
- Darlle movemento á clase. Engadir movemento á clase, engadir dinamismo, non quedarse nun sitio e se conseguirá que os estudantes se involucren máis.
- Acelerar o ritmo da clase. Un ritmo rápido favorece a participación e a implicación dos estudantes, facendo máis doado avanzar cara o seguinte concepto en cada momento.
- Deixar participar. Proporcionar frecuentes momentos de feedback para que os estudantes participen.
- Facer pausas. Periodicamente facer pausas en medio de frases para que os estudantes as completen.
- Método 3:2:1. Empregar o método de resumo 3:2:1. Ao rematar unha lección pedir aos estudantes que anoten 3 cousas que aprenderon, 2 cousas interesantes, e 1 pregunta.
