Fronte á coñecida versión de escritorio de Google Drive, temos varias apps para o seu uso en dispositivos móbiles. Por exemplo para crear un documento de texto dispoñemos das apps Google Drive para xestionar os nosos arquivos na nube e Google Docs para editar e crear documentos de texto. Podemos instalar gratuítamente ambas aplicacións dende as tendas de aplicacións ou App Store correspondentes ao noso sistema operativo móbil.
A continuación podemos abrir a app Google Drive e teremos acceso aos nosos arquivos aloxados en Internet, e que podemos agrupar en cartafoles. En cada cartafol veremos os documentos dispoñibles, e nalgúns casos podemos ver unha pequena vista previa do seu contido(1). Premendo no menú lateral (2) teremos outros modos de acceso para ir directamente ao cartafol principal, documentos compartidos, aqueles cos que se traballou recentemente, os que foron subidos, etc.
Primeiros pasos con Writer. Como crear un documento dende cero. Operacións básicas: dar formato ao texto, crear listas, inserir imaxes. O corrector ortográfico. Índices. Cabeceiras e pés de páxina.
En artigos anteriores víamos que era Android e como instalar aplicacións neste sistema operativo destinado a dispositivos móbiles como Smartphones ou Tablets. A continuación veremos que aplicacións temos dispoñibles na categoría de Ofimática, o que nos permitirá levar a nosa oficina ou escritorio no móbil.
As suites ofimáticas son paquetes de software con varios programas destinados a dar soporte a oficinas e no fogar para os traballos máis habituais, como escribir un documento de texto.
Creación de presentacións, formatos de texto, táboas, formas, imaxes, gráficas avanzadas, animacións, transicións e publicación na web.