mLearning

e-Portfolios

Dentro das moitas definicións do que sería un e-portfolio, a máis sinxela viría de que un e-portfolio ou portafolio electrónico non sería máis que unha colección de notas, documentos, imaxes, vídeos e resolucións de tarefas e exercicios que rexistra o traballo realizado por un estudante, usuario ou grupo de traballo.

O ámbito de aplicación dun e-portfolio varía segundo o propósito para o que o queiramos considerar, poderíamos estendelo ao currículum vítae dunha persoa, a un percorrido a través do seu perfil académico ou profesional, ou ben concretalo para unha ensinanza, materia, ou mesmo para un único proxecto de traballo ou actividade. Temos total liberdade de aplicación.

Contidos:

• Introdución ao problema de infoxicación e a necesidade de xestionar correctamente a información.
• Subscrición de contidos.
• Marcadores sociais.
• Curación de contidos.

A función de curación de contidos consiste en seleccionar aqueles contidos máis relevantes e agrupalos, para acceder a eles de maneira conxunta ou compartir de novo pero a través da nosa selección. Deste xeito podemos seleccionar os recursos web que nos parezan máis interesantes sobre un tema para incluír nun panel ou taboleiro e compartilos con outras persoas ou ter unha colección de recursos seleccionados por nós sempre a man.

Contidos:

• Introdución ao traballo na nube e aos PLE.
• Aplicacións ofimáticas e de produtividade.
• Ferramentas para deseñar un PLE.
• Deseño dun PLE para a aula.

A subscrición de contidos nos permite filtrar e recibir información. Podemos seleccionar as páxinas que nos parezan máis interesantes e dese xeito engadilas nun xestor de subscricións que nos informará de todas as novas publicacións nesas páxinas sen necesidade de ter que ir unha por unha comprobando diariamente se houbo novidades.

Presentación de introdución ao Mobile-Learning. Amosa as súas principais características, o modelo BYOD, os principais sistemas operativos móbiles e indicacións sobre como instalar aplicacións a través das tendas de aplicacións ou App Stores.

A maioría dos navegadores permítennos gardar unha lista dos sitios que visitamos, coñecida como marcadores ou "Favoritos". A idea é que se estamos nun sitio poidamos gardar a súa URL ou enderezo web e despois dende a lista podamos acceder ao sitio cun simple clic de xeito doado. Esta lista de sitios web queda almacenada no navegador en cuestión, polo que se accedemos dende outro navegador noutro equipo non a teremos dispoñible. Os servizos de marcadores sociais aparecen co obxectivo de que teñamos sempre accesible esa lista de páxinas web, gardándoa na nube. Deste xeito accederemos ao servizo para obter os marcadores e podemos facelo dende calquera navegador e dispositivo. Ademais estes servizos nos ofrecen funcionalidades a maiores como compartir esas listas de marcadores con outras persoas ou colaborar para crealas e mantelas. Naquelas ligazóns que sexan públicas poderán facerse estatísticas sobre as más visitadas, e facer buscas dos contidos, por exemplo a través de etiquetas daqueles sitios máis consultados.

Os escritorios virtuais son ferramentas que nos permiten acceder a un mesmo escritorio dende diferentes dispositivos, aloxándoo na nube. Aínda que hai solucións específicas para equipos de escritorio, temos tamén solucións xenéricas que nos van a permitir incluir aplicacións e servizos da Web 2.0, de xeito que aquelas aplicacións que empreguemos máis a miúdo estarán sempre accesibles. Ademais de como lanzador de aplicacións os escritorios virtuais teñen unha utilidade moi clara en educación dentro da elaboración e deseño de Entornos Virtuais de Aprendizaxe ou PLE. Grazas á elaboración de escritorios virtuais que representen modelos de PLE, podemos resumir e organizar este enfoque metodolóxico. As ferramentas para deseñar un PLE máis intuitivas son: Symbaloo, Netvibes e Pearltrees, que veremos a continuación.

Anteriormente víamos  como instalar aplicacións en Android, agora é o turno de iOS. Como veremos o procedimento é moi similar, e baséase tamén en buscar a aplicación na tenda de aplicacións ou store, que neste sistema será a App Store.