Moitas veces temos que enviar arquivos cun tamaño que excede os límites das contas de correo máis habituais, que acostuma andar polos 10-15 Mbs. Existen solucións alternativas como Dropbox, Google Drive ou Ubuntu One, que nos van deixar compartir eses arquivos dende o noso ordenador, ou servidores tipo Rapidshare onde compartilo, pero como podemos facer cando realmente o que queremos é enviar un correo, porque por exemplo se trata dun tema privado ou non queremos que o arquivo ocupe espazo no noso equipo.
Unha alternativa moi completa é Wetransfer, un servizo que sen rexistro e de xeito gratuíto vainos deixar enviar arquivos de ata 2 Gb ata a 20 destinatarios. Non hai límite aos envios, co cal unha vez rematada a transferencia poderemos enviar outros 2 Gbs.
Atópase dispoñible en español e os arquivos poden quedar aloxados no seu servidor ata dúas semanas, se pasado ese tempo a persoa que o tiña que recibir non o descarga será eliminado, pero semella un tempo razonable.
Ligazón: Páxina de Wetransfer