Evolución do e-learning (Infografía)

 

Proxecto Gutenberg

 

Hoxe en día o e-learning está completamente integrado na educación. Aproveitamos o inicio dun novo curso escolar para repasar a súa evolución dende as súas orixes ata os nosos días a través dunha infografía onde se sinalan os eventos que maior impacto tiveron na aprendizaxe electrónica. A cantidade de aplicacións, servizos e ferramentas electrónicas ao noso alcance é inmensa, pero houbo que dar moitos pasiños pouco a pouco ata chegar aquí. Estes son algúns deles, nin moito menos todos.

 

 

Infografía sobre a evolución do e-learning

 

Modo texto

Transcrición da infografía:

 

  • 1960 - Plato, o primeiro LMS. O primeiro LMS xorde antes de Internet, incluíndo elementos tan innovadores como chat, foros ou email.
  • 1969 - Orixes de Internet. Créase a rede ARPANET, que será a base da futura Internet e sobre a que se deseñarán os principais protocolos de comunicacións.
  • 1971 - e-Books e proxecto Gutemberg.  Consolídase o concepto de libro electrónico ou e-book a través do proxecto Gutemberg que nace co obxectivo de crear unha biblioteca gratuíta de ebooks a partir de libros que xa existían.
  • 1990 - Aparece o servizo World Wide Web. Chega o sistema de distribución de documentos e páxinas web tal e como o coñecemos.
  • 1994- Primeiro Blog. As primeiras páxinas web comezan a funcionar a modo de diarios personais ou diarios en liña.
  • 1995 - Boom de Internet. Momento de máxima explosión e alcance de Internet ata o momento, superando todas as expectativas.
  • 1995 - Primeira rede social. Randy Conrads crea o sitio web classmates.com, para facilitar a comunicación entre compañeiros de clase, atópase pois dentro do eido do ensino.
  • 1996 - Concepto de e-Learning. Comézase a falar de aprendizaxe electrónico ou ensinanza a través de medios informáticos.
  • 1997- WebCT, primeiro LMS moderno. Web Course Tools, ou Ferramentas para Cursos Web, é un dos primeiros LMS para uso xenérico en diferentes institucións educativas.
  • 2000 - Concepto de b-Learning. Xorde o concepto de aprendizaxe semipresencial, o e-learning como apoio á docencia presencial.
  • 2001 - Boom dos Blogs. Momento en que se xeneraliza o uso de blogs, acadando un dos seus maiores crecementos ata esa data.
  • 2001 - Nace Wikipedia. Comeza o proxecto Wikipedia, a enciclopedia aberta que se edita de xeito colaborativo en todo o mundo e en calquera idioma.
  • 2002 - Chega Moodle. Primeira versión do LMS máis utilizado en todo o mundo (máis de 65 millóns de instalacións), e que continúa en expansión.
  • 2002 - Scorm. Primeira versión deste estándar para definir obxectos pedagóxicos estruturados que permite compartir contidos entre diferentes plataformas e ferramentas educativas.
  • 2004 - Concepto de Web 2.0. Os usuarios pasan a ter parte activa nos contidos, engádese unha función máis social e participativa á web, e aparecen novas páxinas con funcionalidades máis potentes, o que permite ampliar o seu uso no ensino.
  • 2005 - Mobile-Learning. Aparece un novo modelo co obxectivo de adaptar o e-learning a dispositivos móbiles, teléfonos, PDAs, outros gadgets e agora tablets que permiten desenvolver a aprendizaxe dende calquera lugar.
  • 2005 - Nace Youtube. Aparecen os servizos de vídeo con capacidade de streaming que permiten almacenar en liña e visualizar vídeos de forma cómoda a calquera usuario.
  • 2006 - Nace Twitter. Aparece a rede social Twitter que se basea en micro-publicacións ou comentarios limitados a 140 caracteres e á que se vai dando pouco a pouco diferentes usos educativos.
  • 2006 - Primeiros e-readers de tinta electrónica. Os lectores de e-books que empregan a tecnoloxía de tinta electrónica fan máis amigable a lectura de documentos achegando enormemente estes dispositivos aos libros en papel.
  • 2007 - Nace Facebook. Aparece a rede social con máis usuarios actualmente, que de forma similar a Twitter vai integrándose pouco a pouco no eido educativo con diferentes aplicacións pedagóxicas.
  • 2008 - MOOC. Aparecen os cursos masivos, chegando incluso a miles de estudantes. Representan unha industrialización da aprendizaje, nun modelo descentralizado onde toda a aprendizaxe recae no estudante.
  • 2013 - Boom das apps para dispositivos móbiles. Coa chegada das apps e a xeneralización do uso dos smartphones e tablets aparecen as apps ou aplicacións que a modo de programas permítennos converter a estoe dispositivos en auténticos ordenadores de peto.

 

 




Séguenos en Facebook Twitter Slideshare Pinterest RSS

Validado Nivel de Accesibilidade AA XHTML Válido CSS Válido

Drupal
 
Principal
Inicio
Nós
Servizos
Artabria
Aviso legal
 
Social
Contacto
Comunidade
Recursos
Publicacións e contidos
Buscador
eBooks
Revistas

Gabit © 2024, todos os dereitos reservados.


Gabit es e-learning, formación, publicación de cursos moodle, diseño web innovador y community management desde Galicia.