Novas

O CPEIG e a Consellería de Educación, Universidade e Formación Profesional convocan hoxe o III Concurso literario infantil e xuvenil sobre a protección de datos, dirixido a nenas e nenos de 5º e 6º de Primaria e alumnos e alumnos de 1º a 4º de ESO. O certame organízase con motivo do Día Europeo da Protección da Datos.

ler máis

O CPEIG considera “de vital importancia” que a sociedade galega se incorpore á cultura da protección de datos ante as oportunidades e riscos de Internet

 

ler máis

A actividade, que forma parte da iniciativa global “Hora do Código”, celebrarase o vindeiro sábado 19 nas aulas da ESEI

ler máis

 

O vindeiro sábado, día 19 de xaneiro, o Colexio Profesional de Enxeñaría Informática de Galicia (CPEIG) e a Escola Superior de Enxeñaría Informática da Universidade de Vigo (ESEI) organizan un conxunto de actividades e talleres dirixidos a nenas e nenos de entre 6 e 18 anos, iniciativa global Hora do Código (HourofCode) da Code.org. O obxecto é achegar á rapazada dunha forma lúdica e divertida á programación, á tecnoloxía de impresión en 3D e á programación de pequenos dispositivos.

ler máis

 

O Colexio Profesional de Enxeñaría en Informática de Galicia (CPEIG) impartirá mañá xoves, 3 de xaneiro, un taller de robótica e pilotaxe de drons no Complexo Hospitalario Universitario de Santiago (CHUS) para os nenos e nenas que están hospitalizados. A xornada celebrarase de 11:00 a 13:00 horas na Aula Hospitalaria do propio hospital.

ler máis

O Colegio Profesional de Ingenieros en Informática de Castilla y León (CPIICYL), en colaboración con CyLiconValley e a Escuela de Ingeniería Informática de Valladolid, organiza o vindeiro 12 de xaneiro un curso intensivo de modelo C4, que contará coa participación do autor do modelo, o experto e arquitecto de software Simon Brown. 

ler máis

 

O  pasado 15 de decembro o CPEIG cumpriu 11 anos desde a súa creación. Continuamos a traballar na mellora da nosa profesión e o avance de toda a sociedade e para engadir máis velas á tarta. Moitas grazas a todos e todas!

ler máis

O debuxo deste neno de seis anos será a postal institucional coa que colexio felicite as festas

ler máis

 

O Colexio Profesional de Enxeñaría en Informática de Galicia (CPEIG) convoca, por sétimo ano consecutivo, o Concurso de Postais de Nadal, dirixido a nenos e nenas que estean a cursar Infantil ou Primaria, e que sexan familiares das persoas colexiadas. O número máximo de candidaturas por colexiada/o é de tres. O premio que recibirá o gañador será un kit de robótica.  A súa obra será a felicitación oficial do Colexio para estas datas. 

ler máis

“A seguridade da información é cousa de todas e todas, non é unicamente responsabilidade das unidades tecnolóxicas nin da dirección das organizacións, senón que todo o persoal debe estar implicado, concienciado e formado” 

ler máis

Recentemente, a mediados da semana pasada, os desenvolvedores de Digikam facían un anuncio esperado durante os dous últimos anos. Digikam 5.0 foi anunciado oficialmente e con el veñen todas as melloras que durante todo este tempo fóronse realizando neste software de edición fotográfica con licencia libre GNU GPLv2. Durante estes dous últimos anos, fíxose unha substitución da meirande parte do código fonte para adaptalo ás bibliotecas de código Qt5 e con elo facilitalar a introdución do software en novas plataformas de sistema operativo como Windows e OS X.

O parlamento de Bulgaria acaba de aprobar unha modificación da súa Lei de Gobernanza Dixital que fará que todo desenvolvemento de software que sexa creado pola administración teña que ser Open Source e ademais o proceso de desenvolvemento terá que ter lugar nun repositorio de software público.

Fotografía: Wisi Greter; Licenza: CC-BY-NC

A empresa Orballo Printing estase a labrar un nome relevante no mundo do impresión dixital 3D a base de Open Software e Open Hardware e o está a facer a nivel internacional. Esto, que pode ser o caso típico de empresa foránea, ocorre desta volta na casa. Orballo Printing ten a súa sede en Vigo e dende ela comercializa o seu produto estrela a impresora 3D Prusa Steel hacia todas as partes do mundo. O factor diferencial clave desta volta para esta empresa é a súa aposta pola filosofía de compoñentes abertos e sen patente e pola coidado polo control da cadea de produción que consegue grazas a traballar na totalidade con provedores da contorna. Estos dous factores son os que, en combinación, estanlle a granxear a Orballo Printing un éxito notorio que está a ser acollido con agrado polas comunidades maker non só no ámbito local se non tamén as espalladas por todo o mundo.

Este ano serán outras 8 escolas da cidade de Grenoble as que serán migradas completamente a software libre, incluíndo servidores, equipos de sobremesa e portátiles. Este ambicioso proxecto pretende que no ano 2018 o total de escolas da cidade estean migradas completamente a software libre, o que entre outras cousas lles permite un mellor aproveitamento do equipamento hardware do que dispoñen.

iVIS é un proxecto levado a cabo pola Asociación de Municipios para o Desenvolvemento Conxunto de e-servizos en Suecia. A idea é desenvolver unha plataforma de software libre que permita crear diferentes aplicacións administrativas para as escolas, tanto para equipos de sobremesa como para dispositivos móbiles. É un proxecto financiado tamén en parte pola Axencia Sueca de Innovación. O próximo mes de setembro, co comezo do novo curso académico comezará a funcionar a primeira fase do proxecto con algún dos desenvolvementos que xa están realizados. 

45 novos docentes serán formados na linguaxe estatística R a través da súa contorna gráfica RCommander na nova edición do curso en liña organizado pola OSL do CIXUG coa colaboración dos diferentes servizos de formación do profesorado das 3 universidades galegas. Así, durante os meses de setembro e outubro desenvolverase na aula virtual do CIXUG: cursos.cixug.es unha nova edición do curso en liña de Análise estatística con Rcommander.

Software Heritage foi presentado na Debconf16 celebrada a pasada semana en Cidade do Cabo. Trátase, en palabras dos seus responsables, de "recompilar e preservar o software en formato de código aberto, xa que os programas incorporan o noso coñecemento técnico e científico e a humanidade non pode correr o risco de perdelo. O software é unha parte preciosa do noso patrimonio cultural, polo que a nosa intención é facer de garante da accesibilidade de todo o software recollido polo proxecto, porque só a través da posta en común pódese garantir a súa conservación a moi longo prazo".

A Comisión Europea premiará a produtos software e servizos que teñan un probado éxito de compartición no sector público e que teñan un potencial de reutilización amplo en Europa. En palabras de Margarida Abecasis encargada do programa ISA e da organización do premio "quérese premiar ás solucións de TI que foron desenvolvidas e compartidas polas administracións públicas existentes, para que poidan ser aínda máis reutilizadas en toda Europa".

O pasado 30 de xuño anunciouse a publicación de Linux Mint 18. Esta versión ten soporte a longo prazo ata 2021 e vén con software actualizado que trae melloras para facer a contorna de usuario aínda máis cómoda de usar. Dende a propia nota de publicación da nova entrega pódese acceder ás ligazóns para descargar as diferentes ISO. Para un maior detalle acerca da nova entrega pódense consultar as notas da versión para Linux Mint 18 Cinnamon.

 A Comunidade de KDE vén de anunciar o seu lanzamento do Espazo de traballo Plasma, de aplicativos e da Plataforma de desenvolvemento de KDE 5.7. Este novo lanzamento ten un relevante paquete de melloras e cambios con respecto a versións anteriores que, dun xeito particular, buscan a adaptación ao novo xestor gráfico Wayland:

• A caixa de entrada foi totalmente redeseñada buscando un enfoque máis sinxelo.

• Volve a visión de axenda no calendario que nos amosa ao instante todas as cifras e días festivos.

• Dende Krunner agora poderase acceder directamente ás chamadas Jump List Actions que nos permiten acceder a tarefas específicas de determinadas aplicacións

• Cambios no control de volume permiten cambiar o dispositivo de audio dunha aplicación simplemente arrastrando a aplicación a outro dispositivo

• Melloras na visibilidade de todo o sistema con cambios no esquema de cores usado no artwork do proxecto

• Tamén mellorou o framework Kiosk

• E o xestor de tarefas foi redeseñado por completo para mellorar a compatibilidade co protocolo de servidor gráfico Wayland.

Respecto do último punto, o equipo de KDE realizou especialmente multitude de tests que involucran ao compositor de xanelas KWin en relación ao soporte para Wayland, aínda que o servidor clásico X11 seguirá a ser a opción predeterminada polo momento.