Novas

Catedral e CPEIG unen esforzos para desenvolver o emprego das novas tecnoloxías

Novas CPEIG - Sáb, 07/16/2016 - 09:41

O CPEIG e a Fundación da Catedral veñen de poñer pos escrito a súa vontade de combinar esforzos e cooperar para o desenvolvemento do emprego das novas tecnoloxías e da sociedade da información na promoción, fomento, difusión e posta en valor da Catedral de Compostela e o Camiño de Santiago. Deste xeito, rubricaron o pasado 14 de xullo un convenio de colaboración que é o punto de partida dunha serie de proxectos que se desenvolverán conxuntamente.

ler máis

Categorías: Novas, Novas TIC

Nova entrega de Digikam

Novas Mancomún - Vie, 07/15/2016 - 11:14
Recentemente, a mediados da semana pasada, os desenvolvedores de Digikam facían un anuncio esperado durante os dous últimos anos. Digikam 5.0 foi anunciado oficialmente e con el veñen todas as melloras que durante todo este tempo fóronse realizando neste software de edición fotográfica con licencia libre GNU GPLv2. Durante estes dous últimos anos, fíxose unha substitución da meirande parte do código fonte para adaptalo ás bibliotecas de código Qt5 e con elo facilitalar a introdución do software en novas plataformas de sistema operativo como Windows e OS X.
Categorías: Novas, Novas TIC

Bulgaria aproba unha lei para que todos os desenvolvementos de software públicos sexan Open Source

Novas Mancomún - Vie, 07/15/2016 - 09:00
O parlamento de Bulgaria acaba de aprobar unha modificación da súa Lei de Gobernanza Dixital que fará que todo desenvolvemento de software que sexa creado pola administración teña que ser Open Source e ademais o proceso de desenvolvemento terá que ter lugar nun repositorio de software público.

Fotografía: Wisi Greter; Licenza: CC-BY-NC

Categorías: Novas, Novas TIC

Orballo Printing: Impresión dixital 3D Open Source en galego

Novas Mancomún - Jue, 07/14/2016 - 13:20
A empresa Orballo Printing estase a labrar un nome relevante no mundo do impresión dixital 3D a base de Open Software e Open Hardware e o está a facer a nivel internacional. Esto, que pode ser o caso típico de empresa foránea, ocorre desta volta na casa. Orballo Printing ten a súa sede en Vigo e dende ela comercializa o seu produto estrela a impresora 3D Prusa Steel hacia todas as partes do mundo. O factor diferencial clave desta volta para esta empresa é a súa aposta pola filosofía de compoñentes abertos e sen patente e pola coidado polo control da cadea de produción que consegue grazas a traballar na totalidade con provedores da contorna. Estos dous factores son os que, en combinación, estanlle a granxear a Orballo Printing un éxito notorio que está a ser acollido con agrado polas comunidades maker non só no ámbito local se non tamén as espalladas por todo o mundo.
Categorías: Novas, Novas TIC

A cidade francesa de Grenoble segue co seu proxecto de migración a software libre das escolas

Novas Mancomún - Jue, 07/14/2016 - 12:00
Este ano serán outras 8 escolas da cidade de Grenoble as que serán migradas completamente a software libre, incluíndo servidores, equipos de sobremesa e portátiles. Este ambicioso proxecto pretende que no ano 2018 o total de escolas da cidade estean migradas completamente a software libre, o que entre outras cousas lles permite un mellor aproveitamento do equipamento hardware do que dispoñen.
Categorías: Novas, Novas TIC

iVIS, plataforma sueca de e-servizos de software libre para escolas, comezará a funcionar o próximo mes de setembro

Novas Mancomún - Jue, 07/14/2016 - 08:00
iVIS é un proxecto levado a cabo pola Asociación de Municipios para o Desenvolvemento Conxunto de e-servizos en Suecia. A idea é desenvolver unha plataforma de software libre que permita crear diferentes aplicacións administrativas para as escolas, tanto para equipos de sobremesa como para dispositivos móbiles. É un proxecto financiado tamén en parte pola Axencia Sueca de Innovación. O próximo mes de setembro, co comezo do novo curso académico comezará a funcionar a primeira fase do proxecto con algún dos desenvolvementos que xa están realizados. 
Categorías: Novas, Novas TIC

Nova edición do curso de Análise estatística con Rcommander, organizado pola OSL do CIXUG

Novas Mancomún - Mié, 07/13/2016 - 10:59
45 novos docentes serán formados na linguaxe estatística R a través da súa contorna gráfica RCommander na nova edición do curso en liña organizado pola OSL do CIXUG coa colaboración dos diferentes servizos de formación do profesorado das 3 universidades galegas. Así, durante os meses de setembro e outubro desenvolverase na aula virtual do CIXUG: cursos.cixug.es unha nova edición do curso en liña de Análise estatística con Rcommander.
Categorías: Novas, Novas TIC

INRIA presentou o seu proxecto para a salvagarda de toda a herdanza do Código Aberto

Novas Mancomún - Mié, 07/13/2016 - 08:55
Software Heritage foi presentado na Debconf16 celebrada a pasada semana en Cidade do Cabo. Trátase, en palabras dos seus responsables, de "recompilar e preservar o software en formato de código aberto, xa que os programas incorporan o noso coñecemento técnico e científico e a humanidade non pode correr o risco de perdelo. O software é unha parte preciosa do noso patrimonio cultural, polo que a nosa intención é facer de garante da accesibilidade de todo o software recollido polo proxecto, porque só a través da posta en común pódese garantir a súa conservación a moi longo prazo".
Categorías: Novas, Novas TIC

Estudiante del Máster en Ingeniería Informática de la UDC entre los diez finalistas mundiales del 2016 IBM Master the Mainframe

Novas CPEIG - Mar, 07/12/2016 - 13:20

Master the Mainframe” es un certamen que organiza IBM en el que estudiantes universitarios de todo el mundo tienen la posibilidad de adquirir experiencia y mostrar sus habilidades con los sistemas mainframe de IBM, una arquitectura orientada a los procesos críticos de las grandes empresas.

IBM seleccionó a 65 estudiantes de entre los más destacados de 26 países para competir por un puesto en la fase final.

El ganador de la edición española Antonio Álvarez Rodríguez, graduado en Ingeniería Informática por la UDC y que actualmente cursa el “Máster Universitario en Ingeniería Informática (MUEI)” en la Facultad de Informática de la UDC, ha sido elegido uno de los diez finalistas mundiales.

ler máis

Categorías: Novas, Novas TIC

Concurso europeo para promover a reutilización de software nas administracións públicas

Novas Mancomún - Mar, 07/12/2016 - 09:28
A Comisión Europea premiará a produtos software e servizos que teñan un probado éxito de compartición no sector público e que teñan un potencial de reutilización amplo en Europa. En palabras de Margarida Abecasis encargada do programa ISA e da organización do premio "quérese premiar ás solucións de TI que foron desenvolvidas e compartidas polas administracións públicas existentes, para que poidan ser aínda máis reutilizadas en toda Europa".
Categorías: Novas, Novas TIC

Publicado Linux Mint 18 “Sarah” Cinnamon

Novas Mancomún - Lun, 07/11/2016 - 09:30
O pasado 30 de xuño anunciouse a publicación de Linux Mint 18. Esta versión ten soporte a longo prazo ata 2021 e vén con software actualizado que trae melloras para facer a contorna de usuario aínda máis cómoda de usar. Dende a propia nota de publicación da nova entrega pódese acceder ás ligazóns para descargar as diferentes ISO. Para un maior detalle acerca da nova entrega pódense consultar as notas da versión para Linux Mint 18 Cinnamon.
Categorías: Novas, Novas TIC

Publicado o contorno de escritorio KDE 5.7 dispoñible en galego

Novas Mancomún - Vie, 07/08/2016 - 09:30
 A Comunidade de KDE vén de anunciar o seu lanzamento do Espazo de traballo Plasma, de aplicativos e da Plataforma de desenvolvemento de KDE 5.7. Este novo lanzamento ten un relevante paquete de melloras e cambios con respecto a versións anteriores que, dun xeito particular, buscan a adaptación ao novo xestor gráfico Wayland:
  • A caixa de entrada foi totalmente redeseñada buscando un enfoque máis sinxelo.

  • Volve a visión de axenda no calendario que nos amosa ao instante todas as cifras e días festivos.

  • Dende Krunner agora poderase acceder directamente ás chamadas Jump List Actions que nos permiten acceder a tarefas específicas de determinadas aplicacións

  • Cambios no control de volume permiten cambiar o dispositivo de audio dunha aplicación simplemente arrastrando a aplicación a outro dispositivo

  • Melloras na visibilidade de todo o sistema con cambios no esquema de cores usado no artwork do proxecto

  • Tamén mellorou o framework Kiosk

  • E o xestor de tarefas foi redeseñado por completo para mellorar a compatibilidade co protocolo de servidor gráfico Wayland.

Respecto do último punto, o equipo de KDE realizou especialmente multitude de tests que involucran ao compositor de xanelas KWin en relación ao soporte para Wayland, aínda que o servidor clásico X11 seguirá a ser a opción predeterminada polo momento.
Categorías: Novas, Novas TIC

O CPEIG presentou o libro “Historia da Informática, unha cronoloxía”, coa presenza do presidente da Xunta

Novas CPEIG - Jue, 07/07/2016 - 09:05

O CPEIG presentou o día 5 de xullo o libro “Historia da Informática. Unha cronoloxía”, un acto no que estiveron convocados autoridades académicas e políticas, colaboradores, colexiadas e colexiados, ademais de representantes do sector TIC, baixo a presidencia do titular do Executivo galego, Alberto Núñez Feijóo. A presentación tivo lugar na Cidade da Cultura de Galicia, en Santiago de Compostela.

Na súa intervención, Feijóo destacou a importancia da informática para a transformación económica de Galicia, “que xa é a quinta autonomía cun maior número de empresas tecnolóxicas”. Deste xeito, reivindicou “o momento de esperanza” para o sector, que evidencia que “Galicia é un bo lugar para innovar”.

ler máis

Categorías: Novas, Novas TIC

O CPEIG presenta o libro “Historia da Informática, unha cronoloxía” mañá martes

Novas CPEIG - Lun, 07/04/2016 - 10:53

Santiago de Compostela, 4 de xullo de 2016.-  O Colexio Profesional de Enxeñaría en Informática de Galicia (CPEIG) presentará mañá martes, día 5 de xullo, un ambicioso traballo que leva por título “Historia da Informática en Galicia. Unha cronoloxía”. O volume nace baixo a coordinación de Javier García Tobío, director xerente do Centro de Supercomputación de Galicia (Cesga) e membro da Xunta de Goberno do CPEIG, e polo presidente deste colexio, Fernando Suárez Lorenzo.  Henrique Neira foi o responsable da edición dos textos. 

ler máis

Categorías: Novas, Novas TIC

A creatividade e os contidos centrarán un novo faladoiro dixital organizado pola AMTEGA e o CPEIG en Santiago

Novas CPEIG - Mié, 06/29/2016 - 13:31

Un novo faladoiro dixital organizado polo Colexio Profesional de Enxeñaría en Informática de Galicia (CPEIG) co apoio da Axencia para a Modernización Tecnolóxica de Galicia (Amtega) desenvolverase o vindeiro 8 de xullo dentro da campaña de divulgación e difusión de novos perfís profesionais na era  dixital. O encontro, que analizará a creatividade dixital, desenvolverase no Edificio CINC da Cidade da Cultura en Santiago de Compostela, de09.45H. a 14.00H. 

ler máis

Categorías: Novas, Novas TIC

O CPEIG congratúlase de que o Concello de Pontevedra riquira a titulación axeitada nunha convocatoria de prazas de Enxeñeiro/a

Novas CPEIG - Mar, 06/28/2016 - 19:19

O Colexio Profesional de Enxeñaría en Informática de Galicia (CPEIG) quere manifestar publicamente a súa satisfacción pola recente convocatoria, por parte do Concello de Pontevedra, dun proceso selectivo para ocupar prazas de enxeñeiro/a informático/a, no que a titulación requirida é axustada ás funcións do posto, é dicir, título de grao en enxeñaría informática ou equivalente, tal e como se pode ler nas bases.

ler máis

Categorías: Novas, Novas TIC

O CPEIG estará presente no festival “Mundos digitales”, previsto para o mes de xullo, para moderar un dos encontros

Novas CPEIG - Jue, 06/23/2016 - 09:20

A organización do festival “Mundos Digitales” convidou o CPEIG a moderar o vindeiro día 16 de xullo o encontro “New media. New challenges”, que terá lugar no Palexco da Coruña con destacados expertos. 

O presidente do CPEIG, Fernando Suárez, actuará como moderador nesa xornada, concibida “coma unha viaxe por un mundo exponencial, onde cada década marca unha velocidade de avance no sector audiovisual cada vez maior. Unha viaxe que comeza coa capacidade de comunicarse do ser humano e que actualmente descobre novas linguaxes a través da tecnoloxía, segundo sinala a organización”.

ler máis

Categorías: Novas, Novas TIC

El Sector de la Ingeniería Informática acuerda las primeras acciones conjuntas para lograr la equiparación

Novas CPEIG - Sáb, 06/18/2016 - 14:26

Esta mañana ha tenido lugar la reunión entre los líderes de las organizaciones que representan a las universidades, profesionales y estudiantes relacionados con la Ingeniería Informática en España para acordar las medidas a llevar a cabo ante la difícil situación de discriminación que sufre este sector respecto al resto de ingenierías en el Reconocimiento de la Cualificación Profesional.

En dicha reunión los representantes del colectivo han decidido solicitar, entre otras, la intervención del Presidente del Gobierno para resolver esta problemática como medida previa a la posible convocatoria de huelga del sector en España.

Categorías: Novas, Novas TIC

O Colexio felicita as novas promocións de grao e mestrado de Enxeñaría en Informática da FIC

Novas CPEIG - Mar, 06/14/2016 - 16:34

O pasado venres, día 10 de xuño, o presidente do CPEIG, Fernando Suárez Lorenzo, acudiu convidado ao acto de graduación das novas promocións do grao e do mestrado en Enxeñaría en Informática na Facultade de Informática da Coruña.

Ademais de darlles os parabéns aos novos enxeñeiros, Suárez Lorenzo referiuse ao compromiso dunha profesión que ten que "construír unha sociedade da información centrada na persoa, inclusiva e onde todos poidan crear, acceder, utilizar e compartir información e coñecemento, para permitir a persoas, comunidades e pobos acadar o seu pleno potencial na promoción do seu desenvolvemento sostible e a mellora da súa calidade de vida".

ler máis

Categorías: Novas, Novas TIC

foto graduacion FIC 2016

Novas CPEIG - Mar, 06/14/2016 - 16:33
Categorías: Novas, Novas TIC
Síguenos en Facebook Twitter Google+ Slideshare Pinterest RSS

Validado Nivel de Accesibilidade AA XHTML Válido CSS Válido

Drupal
 
Principal
Inicio
Nosotros
Servicios
Artabria
Aviso legal
 
Social
Contacto
Comunidad
Recursos
Publicaciones y contenidos
Buscador
eBooks
Revistas

Gabit © 2017, todos los derechos reservados.


Gabit es e-learning, formación, publicación de cursos moodle, diseño web innovador y community management desde Galicia.